| b's profile™¤¦¤™¨¨¨~*§*®§۩۞ الفـــو...PhotosBlogLists |  Tools  Help |
|
July 08 سنــــــه الأبــــاط
فاتنه المعيقليهيالله ان تحيي كلن بأسمه تحس انه شايب يقلط على العشاء في سماوه  قصتنـا (حزينه) يعني كل واحد يجيب معه (مناديل كلينكس) واذا مالقاء يجيب (مناديل الديوان )نبي نشجع الصناعه الوطنيه والرجــاء مراعاه فارق التوقيت :ٌ ابطــال هذه القصه: 1-توفيق موفق الله يوفق الجميع .gif "Ytuyr (85)") 2-النوري بن ماوفق الا جمع 3-الدبشه اخو النوري والظاهر ان امه متوحمتـ(ن) على قرد  .gif "Ytuyr (86)") 4- صلاح السكيورتي (التفاصيل بالداخل)  الموقع: غرب ساحه العدل يعني في (الديره )وراء المعيقليه شمال شارع التسباري في كل يوم خميس يلبس الوزره و يروح صديقنا توفيق ساحه العدل اللي في الديره والمنطقه اللي ذكرناها قبل شوي متنفس لذوي الدخل المحدود يروحون هناك ويفرشون البساط ومافيه الا فصفص ومكسرات ومشتاقات الكراث وماشابه وان تسانهم اشوام جابوا المئدوس وماجر غصنه وتوفيق يروح هناك يبيع بليله مغشوشه وكل يومين رايح جاي في البلديه وماشي الحال وتوفيق كان نضره قوي يشوف اللي رايح بس  واللي جاي مايشوفه وانواع الحواد ثوفي يوم من الأيــام كان صديقنـــا توفيق جالس في امــان الله وحس انه يسمع صوت كعب برتقاليه مقاس 39 ماركتها الخمبشي ليمتد ويطالع يمين الى ذا اللي تسنها مطرق خيزران تقول للقمر وخر وابجلس مكانك(توصيف العجايز اذا لقت وحده تبي تخطبها لولدها) مرّت من عنده وطالعت في توفيق وراحت توفيق من قوه الخقه قام يعضعض رجوله  ومن يوم مرّت من عنده وهو طاقته ام الركب ولايتحرك الى بكره بعد العشاء توفيق طلع كنه ابو الهول لايتحرك ولايتكلم دخلت في راســه البنت وانهبل وبطنه قام يوجعه يبي يعرف منهي .gif "Ytuyr (78)") ومن حسن حظ توفيق كان يعرف السكيورتي اللي يدور في المكان واسمه صلاح من مكه وساكن في منفوحه ماخذله دور ب4الاف وثلاثميه وجالس هو واثنين من اخوياه ومعه شهاده متوسطه ليلي مزوره توفيق يوم شاف صلاح راح له يطير مثل طرزان (حتى في بزر شافه وهو يطير وقال لأبوه : اريد ان اصبح مثل هذا) وصل توفيق لصلاح خويه اللي هو السكيورتي توفيق: صلاح صلاح تكفى يا الأزرق صلاح: ايش ازرق سكل ام انتا (يعني ثكلتك امك) توفيق : صلاح ماشفت وحده لابسه كعب برتقالي صلاح: لا شفت ثنتين لابسين كدايس توفيق :لا تستهبل ضروري صلاح: ضروري نلتقي الليله جديد الفنان عادل الخمّيس (في هذا الوقت توفيق بغى يسوي حركه الكابتن رابح ويشوت صلاح ظفر ) طيب يا توفيق ما في اختيارات توفيق: لها صوت مشيه كعب ياخي تحس انها بتشوت بلنتي كلها رقه صلاح: أي رقه واي شارقه شاربلك خروع انت توفيق : الزبده مامر عليك هالكعب صلاح: جلس يفكر مده طويله يمكن دقيقتين(لامده طويله) توفيق : على فكره كان معها واحد بزر وراكب سيكل صلاح: هي اللي سيكل اخوها فيه جنزير ولون السيكل ازرق مشمشي (عليه لون ) توفيق :ايه ايه تكفى تعرفهــا صلاح: افا عليك... لاوالله ما اعرفهــا ماكـــان من توفيق الا انه عطى صلاح( كف حلاقه ) رجع توفيق الى بيته والخيبه تكسوا محياه(ما ادري وش معناها بس تؤدي الغرض) توفيق صار له 3 شهور كل يوم في الديره يدورها ولكنها ماتجي وبينما هو غارقـ(ن) في التفكير في (شهرزاد منفوحه) جته كوره تمشي مليون والظاهر ان اللي شايتها الكابتن ماجد  توفيق قام بيمردغ ذا اللي شات الكوره والتفت الا بواحـد(ن) عمره تقريبا 11 سنه جاء البزر بياخذ الكوره وقال لتوفيق :آسف توفيق كانت اخلاقه مقفله جلس ينافخ على البزر البزر صار ينادي النوري النوري في هالحظه جت وحده تلعلع من بعـــيد طايره كنها غراب  وصلت الا وهي النـــــــــــوري اللي يناديها البزر البزريقولها: شوفي هذا ينافخ علي ويقول ياولد الشوارع وترا ابقول للشرطه (احتراف نصب ذا البزر) توفيق توه بيلحق البزر بزبيريه لاكن ياللهول .gif "Ytuyr (42)") كنه مرشوش بمريتوا واقف ولايتحرك النوري يوم حست ان اللي قدامها خاقـ(ن) معها طقت علك (الصعرور) وجلست تطلع اصوات طق طق طق ططقطقق طق طق طططققطق من هي النـــــــــــــــوري :  (النوري هذي مطيحه نص منفوحه ومقومه البطحاء والبرقيه ومعكال على رجل يعني العالم خاقين معها وتسمى( بفا تنه المعيقليه) النوري امها وابوها ماتوا وهم في طريقهم الى الحج الظاهر حدهم باص وتقلبوا ولالقوهم الا على حدود السودان تعيش هي واخوها ذا الدبشه والجيران مايقصرون عنهم و على قولتهم مستوره) النوري : اللحين ماتقولي انت ووجهك وش فيك تنافخ على اخوي توفيق: مازال مفعول النشاء مأثر فيه ساكت ويناظر النوري: ترا ابحط اصبعي في عينك لو تنافخ عليه ثانيه توفيق : منهو حبيبك غايتي بس اهنيه  على حسن حظه عشانه حبيبك ياللي خذيت من الحلا كل مافيه النوري : تقاطع توفيق وتنحاش وتوصل النوري للبيت واخوها الدبشه يصيح ويقول كورتي كورتي هي مالها خلق تسولف مسكت اخوها وذبته من السطح النوري دق قلبها وفز من توفيق ومن اللي قاله  ------------ توفيق كان اسعد انسان في الدنيا وكان يردد ويقول: طاير من الفرحه طاير وماصدق انه لقاهـــا  النوري دخل قلبها توفيق وقالت هذا اللي حس فيني ومع ا لأيام تطورت العلاقه النوري وتوفيق صاروا يتقابلون يوميا وصار بينهم رسايل تراسله ويراسلها توفيق والنوري صاروا كنهم جوز كناري كل واحد(ن) مايسمع بالثاني وبعد سنه واربعه شهور على هالحاله قرروا الــزواج توفيق خذ ابوه وامه وراحوا لأبوصالح هذا جار النوري وبحسبة ابوها الله يرحمه وخطـــب النوري منـــــه وافق ابو صالح وقال من بيردك يا توفيق من الفرحه توفيق قام يسوي حركه الفراشه وقرروا ان يكون الزواج في حديقه (الفوطه) تجهزوا للزواج ويوم جاء اليوم الي كان ينتظره توفيق والنوري من زمـــان جو الناس وتعشوا وجاء وقت الزفــه زفوا النوري وهي في قمه السعاده النوري جالسه تمشي تبي تقطع الشارع علشان تركب السياره وهي في نص الشارع جاء واحد و وطى على شرعتها بالغلط تدرون منهو هذا اخوها الارفل المدعو (الدبشـــه)طاحت النوري في نص الشارع وماتدري الا بباص خط البلده عليا9-الناصريه سكران ومعطيهــا عرق ويخبط النوري واخوهــا مع الرفرف  النوري  نقلوها لمستشفى الشميسي واخوها قام مافيه الا العافيه  قطو بسبع ارواحتوفيق بغى يموت من الصياح على النوري وجلس يدعيلها طلع الدكتــور من غرفة العمليات وقال توفيق : بشر يادكتور وش اخبار النوري قال الدكتور: النوري ايه هذي للأسف حالتها خطره لكن ان شاء الله خير توفيق ضاقتبه الدنيا  وجلس توفيق يدعي الى صلاة الفجر ان الله يشفي النوري ومرت الساعات وبعد صلاه الفجــر وكان توفيق راجع من الصلاه سأل الأستقبال وقالهم: (وش صار على المريضه اللي اسمها النوري قال موظف الأستقبـــال دقيقه ادورلك في الأسمـــاء جلس يقلب في الاسمـاء النوري النوري النوري ايه هذي ماتت الله يرحمها  توفيق طاح مغمى عليه صحى من الغيبوبه اللي استمرت ساعه الا ربع وهو يصيح ويدعيلها الا أخو النوري الدبشه يناديه ويقوله وينك جالسين ندورك من زمان توفيق راح يركض ويحضن اخو النوري ويقول انت اللي بقيت من ريحة الغاليه اخو النوري : أي غاليه واي تخفيضات فاتحين ابوريالين تعال النوري تبيك توفيق يقول: في الجنه ان شاء الله (ومن وراء الاستقبال النوري تطلع) كان تشــــــــــــابه اسماء يعني .مــــا ماتت, توفيق ماصدق ان النوري ماماتت جلس يصيح ويصارخ من الفرحه هو والنوري والاستقبال مابقى احد ماصــاح ذاك اليوم  توفيق اخذ زوجته النوري وراحــوا يقضون شهر العسل في كــارفور والعزيزيه والدبشه معهم نتمنى لهم حياه سعيده.  January 30 احســــاس ^عـــــــنزقصتنـــا تحكي عن شخـــص اسمـــه "سعد" حلمه في الحياه من يومه صغير انه يطلع "مدرس ريـاضه" والله يــا طموحه بريال بس الزمن غـــدار من يوم تخرج من الثانوي قدم على كل شي لو صيدليه ابوعادل قدم عليها وكلهم يقولون ملفك وبندق عليك ومن هنــاك ذابين ملف الضعّّيف في الزباله وماشي حاله يبيع اشرطــه بشير شنان والصريخ في الحــله ومتسدحين عنده ذا الشياب ومافي الا زفن ودق اصبع ورقص سعـــد شخص طموح (لاواضح) ويرص نفسه في أي بيعه ارض ولا ييأس يضحك للدنيا تتفل في وجهه ويقول ما يخالف تزين بكره ان شاء الله وفي يوم من الأيــــام: كــان سعد جالسـ(ن) في البيت يقلب في قنوات التلفزيون وتمر قناه العقاريه قال حلو يمكن واحـد يكتب مطلوب شاب سعودي لو يقول مطلوب حلاق ولاكن الحال اختلف اللي كاتب مطلوب كوافيره لعمل مساج واللي كاتب مطلوب شاليه في الخرج واللي كاتب مطلوب معلم شاورما يجيد اللغه الأنجليزيه ضاقتبه الدنيـــا شوي وسمع صوت عند الباب طلع يشوف وش الصوت الا بنغالي ريحه شعره نارجين مدخل من تحت الباب جريده الوسيله اخذ الجريده وجلس يقراها ويقلب فيها الين جلست الجريده تستفرغ خخخخخ بينما هو جالس يقلب طــاحت عينه على وظيفه سنترال في شركــه مقاولات ويلقط السماعه ويدق عليهم ردوا عليه بعد ساعتين ونص وقالوله تعــال صديقنـــا ماصدق خبر شخّص وطـــار للشركـــه وصل وقالوله ادخل بيسوي معك المدير "مقابله شخصيه" وبعد شد وجـــــذب وافقوا عليـــــــه قــعدوا يعلمونه على السنتـــرال اربع شهور وشلون يضغط التسعه قبل ما يجيه الخط وتحويله المدير 12 والبوفيه 4 وهــــكذا يعني تجيه مكالمات بدل ما انه يحول مثلا المكالمه للمدير يحولها للأرشيف الا ان اتقن شغل السنترال وتحويل المكالمــات حتى انه فكر يفتح محل دشوش =-> يستخف دمه سعــد موظف مجتهد الناس تداوم سبع ونص وهو من اربع وربع عند البـــاب الموظفين تعودوا عليه وحبوه وصاروا مستحيل يستغنون عنــــه رن السنترال ذاك اليوم الا المــدير ينــادي سعد ويقوله بسرعه بسرعه سعد فوق دمجته اربع علامات تعجب وجلس يقول للمدير يالله بنوصل مابقى شي ماسكين خط للشرقيه الله يحييك الصوت انقطع سعد يركض لمكتب المدير الا المدير مغمى عليـــه سعــد طب على المدير وجلس يعـد الى ثلاثه (متــأثر بالمصارعه) سعد جلس يخض المدير والمدير مغمى عليه ولايتحرك شال المـــدير وركبه في "صندوق "الددسن ودزبه للمستشفى ودق على بيت المدير وعطاهم خبر المدير اغمى عليه نتيجه ارتفاع السكر جت زوجه المدير ومعها ولدهــا الصغير وبنتها نوره عمرها 20 سنــه طالبه في جــــامعه الملك سعود دخلوا على ابوهم يتطمنون عليـــه وسعـــد واقف ينتظر عند باب الغرفه اللي صار كنه كوشه من كثر الورود اللي جابوها عيال المدير باب الغرفه ينفتح وتطلع منه نوره سعــد نزّل عيونه كنه شايف زوجه اخوه نوره : وش اسمك سعـــد : اسمي الفني والا الأصلي نوره: هه هه هه هه ياحليله والله خفيف دم سعــديتميلح ويشين القراوى لا عطيتهم وجه: توني متبرع بدمي نوره: هه هه هه هه خلاص بطني بيتقطع من الضحك سعد : بسم الله عليك في ابوك ذا الشين ولا فيك انا اسمي سعــد نوره : قضت الأسامي سعد هه هه هه اقصد عاشت الأسامي سعد: عز الله مقامك نوره ترجع وتضحك ضحكت التجار خخخ: هه هه هه ينفتح باب الغرفه وتطلع ام نوره الدبــه 12 سلندر تقول نوره مشينـــا نوره تشاور من وراء امها لسعد وتقوله بااااي وسعــــد يدف عربيه معاقين ويقول بااااي والله يا ان هالضحكه البايخه اللي من نوره كانت بالنسبه له تسواء هالدنيـــا وصدقوني لو اقولكم أن سعد حب نوره من أول نظره ونوره منهبله على سعـــد وعاجبها وحابته مره بس سعد وين ونوره وين من ناحيه الحاله الماديه يعني نوره لو اشتهت شغالتهم حلا يجيبونلها من باتشي وسعد لو يبي يحلي حلاو بقر وسلف من البقاله نوره صارت تدق يوميــا على الشركه تتعذر بأنها تبي ابوهــا وهي تبي تسمع صوت سعـــد وبطريقه قدرت تاخذ رقم جوال سعد ودقت عليه وجلست معه فتره وتعلقت فيه وهو ماتعلق الا عاضها عض سعـد تهور ذاك اليوم وبأتفاق من نوره راح بيخطب نوره من ابوهــا طق طق طق طق =--> هذا باب مكتب ابو نوره دخل سعد وسلم وجلس ساعه متلعثم مايدري وش يقول وفاتح ابو نوره في الموضوع ابو نوره ضحك ضحكه حقت تجار المخدرات اللي في الأفلام بالعربي ضحكت استحقار قاله تقدر تدفع مهر لبنتي 200 الف سعد وبكل شجاعه قال اقدر قال ابوهــا يالله يالفالح رح جب المهر سعد طلع من المكتب وضايقتبه الدنيا كنه بزر ماختم كراش في البلايستشين راح لعمه وقاله وش تبي بالقروش قال سعد ابي اخطب قال عم سعد والله لو انك بتخطب العزيزيه ميتين الف قم فارق وان تسانك تبي بنتي خذهـــا راح للبنك وقدم على قرض على الفلوس اللي عنده وراح طاير من الفرحه لأبونوره ومعطي نوره خبر وهي طايره من الفرحه دخل المكتب وحط الفلوس قدامه وقال هذا المهر رد عليه ابو نوره وقال : وأنت اللحين مصدق ابعطيك بنتي والله لو تجيب دبلها ما تدري أنك خضيري وحنى قبايل قال سعد: ياطويل العمر بعيد عن هالأمور أنا مكون نفسي وبأحط نوره في عيوني ومسأله النسب الرسول اللهم صلي وسلم عليه قال )من أتا كم من ترضون دينه وخلقه فزوجوه) وأنت تقولي انساب وقبايل قال ابو نوره خذ فلوسك واطلع سعد وده ان الأرض منشقه وبالعته ولا صار اللي صـــار نوره حالتها النفسيه تعبت وكل ما جاها شخص يخطبها ترفض حاول سعد ينساها ما قدر وحاول يتزوج بغيرها لاكن كل ماجابوله طاري فلانه جت نوره في باله مرت السنين سعـــد تزوج بعد ثمان سنين من السالفه وجاب عيـال نوره للأسف ماتت وهي عانس لكن: 1-والله ما فرق المسلمين الا هالكلام بالأنساب 2-يانـــــاس نسبه العوانس كثرت 3-يقول المثل اخطب لبنتك قبل ماتخطب لولدك
May 12 نهايه ضب شجــاع
ياشينها لاصرت أعزب وطفران وجايع وساكن فوق مطعم بخـاري =---> صح لسانك ولاعاد تتعودهـا
في يوم من الأيام قرر خوينـا أنه يفتح محل وقدر الله عليه واحترق محله سألوه عسى ما خسرت واجد؟ قال أشوى إني كنت مسوي تخفيض اليوم جاي وجايب معي قصه حزينـه قبل أن تقـراء القصــه لابد من وجود: كرتون منديل ماركه كلينكس معطر أحداث هذه القصة حدثت في أغسطس الثاني عشر =---> أخبره اللويس المكان في سبتيه كان يا مكان في حديث الزمان ضب يدعى ( حرمل )  لم تكن الحياة تعني شي لحرمل فقد كان شابا طائشا مستهتر في حياته يقضي غالب وقته في أكل الحميض والبسباس كان لا يعرف الجد في حياته وعند مروره ببيت جده عكار كان جده مقيل تحت الشجره وكان يردد دائما يا حرمل أمش مع القرد تطلع غزال وابعد عن الساكتون والشكامين تأمن =--> جده مايعرف يقول حكم لم يكن حرمل يعره أي أهتمام ومعطيه أشكل وكذلك لم يكن لحرمل أي أهتمامات عاطفية مع أن جميع بنات الحي يحاولن كسب وده وخاقي(ن) معه حرمل كان من أوسم ضبان سبتيه كان يمتلك عكرة لونها سموك سلفر كانت تميزه عن أقرانه وهي التي زادت من جماله وفي يوم من الأيام شاهد حرمل مالم يشاهده من قبل شاهد جمال يمشي على الأرض بل شاهد القمر بعينه كانت تمشي ومعها كم سحيلي وهم أخوانها الصغار وعند مرورها بحرمل نظرت له بعين جعلته يشعر أن حياته تغيرت وعلى الفور تبعها حرمل الى منزلها وعرف أين تسكن وسأل عنها فقالو أنها سحليه بنت جدلان فذهب على الفور الى أمه وقبل راسها على غير العادة وجلس معها وهما يتناولان الحميض قال لها : أماه فقالت الأم : ولعنااااااااه فقال لها : أبي أعـــرس فقالت له أمه : هو صدز منهي ذا اللي أمها داعيت(ن) عليها فقال لها:سحليه بنت جدلان جدلان ذاك اللي يسعبل دايم فقالت له :ونعم الأختيـار وأنا أمك ---------------------------------------------------------------- وخطبوا سحليه وكان المهر كرتون حميض ولم يمضي شهر على هذا الحوار حتى أصبحت سحليه في بيت حرمل وأصبح أسعد ضب في العالم كان حرمل يحب سحليه حب لايوصف وكذلك كانت تبادله نفس الشعور _________________________________ وبعد مضي عام وفي الصيف الذي يليه كانت سحليه تبشر زوجها بوجود أربعين بيضة في بطنها كما أخبرها الطبيب ولم تكن الفرحة تسع حرمل فكان يفحط ويشقلب في الهواء من زود الفرحة وبعد أن تعب دار بينه وبين حورية هذا الحوار حرمل : تصدقين أني مشتاق للصغار سحليه: وأنا كذلك ولكن ماذا سنسميهم حرمل : أما ماذاا سنسميهم شوي شوي يا لزير سالم أحتسي زين يعني تكلمي بالفصحه حرمل: أكثر ما كثرالله الاسامي سنسميهم وخر بس/ كريم الاخرش/قاهر الشكامين \مصفوقه بمفتاح اربعطعش=14/ عزيز بشد ال(ز) /مادفع القطه/وش نوحك/أم حمد/زبران/يامال العمى/....الــخ وفجاءة  يحدث صوت أنفجار وغبار يملا المكان شاهد بعدها حرمل سحليه ملقاة على الارض والدماء تسيل منها وهناك شابان يركضان معهما شوزن سحبت أم حرمل أبنها المنهار الى الجحر ودار هذا الحوار بين هاذين الشابين صويلح : خل عنك والله أني جبتها أبو دحيم : بس والله ما شافه الا أنا صويلح: تصدق ذي مكون وبطنها مليان بيض أبو دحيم: يالله أجدعها في الصندوق قبل الليل وبعدها ذهب الجميع كانت أم حرمل تحاول التخفيف عن حرمل وتقول له الحمد لله على السلامة وشي أحسن من شي شف سارة مرت الضب جارنا مذبوحة بخرازة ونوير مصيودة بشكمان وجارنا مفلح مغرق هو وعياله حرمل لم يكن مهتم لما تقوله أمه لأنه قرر الأنتقام من صويلح وأبو دحيم ولن تكون سحليه مثل سارة أو نوير ولن يذهب دمها هدر ------------------------------------------------ بعد الحادثة بيوم كان حرمل قد صبغ وجه باللون الاسود وسار نحو المدينة وقد لف الرصاص حول جسمه ومعه مجموعة سكاكين   وصل للمدينة بعد ثلاثة أيام وزبن في الحديقة اللي عند الثانوية لأنه شاهد نفس السيارة في مواقف الثانوية تسلل حرمل من تحت السيارة و جلس فوق الاستبنه يينتظر بفارغ الصبر نهاية الدوام وبعد نهايه الدوام شاهد صويلح وأبو دحيم يركبون في السيارة السيارة كانت تابعة لصويلح وسارت بهم السيارة ومن حسن الحظ أنهم كانو جيران في حارة واحدة دخل ا بودحيم غرفته وحرمل يراقبه وقد تمكن من التسلل خلفه بكل خفة ونام ا بودحيم بعمق وعلا شخيره فقام حرمل بربط سكين أم غزالين في عكرته وربطها جيدا ثم سار ببط على صدر ابو دحيم وجعل عكرته من جهت الراس ومن ثم قام بعض أبو دحيم مع كرشته وعندما رفع راسه كانت السكين تؤدي مهمتها بنجاح وعلى الفور خرج حرمل من مكان الجريمة وذهب لسيارة صويلح وقام بوضع سلك السلف في تانكي البنزين وعند العصر جاء صويلح لتشغيل سيارته وحدث أنفجار ضخم ------------------------------------------- بعدها عندما كان حرمل سعيد في طريق العودة كان يمشي ويغني ويرقص  من الفرح وما هي الا لحظات حتى تحول حرمل الى كومة من اللحم حيث وطاه سقس محمل شعير رايح جهة ساجر  قصتنـــا الحزينـه:1: شف هذا وهو ضب وش سوى 2: قصيده الذاهبه ترا الشاعر القحطاني سارقها من حرمل =--> ياحبه للأشاعات 3:ترا الضبان مايشربون مويه =--> لاياشيخ 4: اذا قالك أحد معزوم على كبسه ضبان فأعرف أنها سحليه بنت جدلان وبلغ أقرب مكتب للأحوال المدنيه =--> تحس الأحوال المدنيه مالها دخل 5: لاتحسب أنك أنت بس أو أنك أنتي بس اللي تحبين ترا الضبـان تحب =---> ضب سابق May 02 هو صز رخص البنزينأفرحوا أنـا رجعت لكم وقال الشاعر : التيس في عين أمه ترنج =--> تحس مالها دخل أنــا بخوووووش في الموضوع دوووووووووووغري April 30 وأخيرا لقيت وظيفه في محل عطـاره وهذي اخرتهــا حسيت انكم كل واحد(ن) يحك دمجته اي: رأسه والدمجه هي مقدمه الراس بس احذر لايصير فيه صيبان ولاقشره مزمنه =---> لاتستخدمون شامبو نزرااال =--> يستغل في محل عطاره وبيعلق دختووور بالنيابه
يالله حيهم والله اني احبكم كل ابوكم وأحب سبيسي الفخم يذكرني بسوق حجاب =-> يسمع بالفخامه صديقنــا
هــذا مخطط للركبه بس بدون جلد وكثر شطه =-> امزح مافيها شطه هذي الركبه والركبه يعانون منها
كلامن:
1-سعوديه مقبله على زواج
2- حمد المنتشري دفاع الأتحاد
3-عسكري الحزام
4- واحد(ن)توه طايح في النت وماعنده طاوله
وبمــا أني الله يطول بعمري دختوور بالنيــابه اليكم هالحلول كل واحد(ن) منكم يجيبله قلم باركر وورقه من دفتر روكو ويشك اي: يكتب اللي انا راح اقوله
1- اعصري ليمونة ثم امزجي عصيرها مع مسحوق الشوفان وافركي الركبة والمرفق بهذا المزيج عدة مرات في اليوم الى ان تتخلصي من اللون الاسود . لاتنسي بعد غسلهما دهنهما بالكريم المرطب لتطريتهما 2- خلط الليمون مع زيت الزيتون أو الجليسيرين أو فازلين ودهنهما كل ليله .
وأخيـــرا عرفت أكتب مواضيع زي الناس تحس انها لها فوائد
=--------> ترقبوا علاج سواد الأكواع ولاتنسون تمرون العطاره تاخذون كيلو كمون وسنوت |
|||||
ويسمونها في الحاره ام منصور مايفك الطقاق في ام سليم الا هي علاوه على أنها احسن وحده
|
|
+%db%a9%db%9e%db%a9(%25)%c2%a7%c2%ae*%c2%a7*%7e%c2%a8%c2%a8%c2%a8%e2%84%a2%c2%a4%c2%a6%c2%a4%e2%84%a2%c2%a8%c2%a8%c2%a8%c2%b0+-+Windows+Live&referrer=){kind=small}
